Pac-Man, Mario Bros, Doom, Minecraft... Desde que acendeu a vella consola Atari do seu irmán, Edward Ross estivo enganchado aos videoxogos. Tras anos de vicio, empezouse a preguntar: que é o que os fai tan especiais?, por que xogamos?, como terminaron por moldear o mundo en que vivimos?
Gamish é un libro cheo de encanto e profundidade que nos acompaña pola historia da «décima arte», desde os prototipos da década dos cincuenta ata os superventas actuais como Call of Duty, pasando polos videoxogos de corte alternativo máis enxeñosos. Examinando ás persoas e as ideas que están detrás da súa produción e distribución, o autor faranos entender que significa xogar e por que nos entusiasma.